«Kitap Fest-2024» – жыл сайын еліміздегі ірі мегаполисте кітап сүйер қауымды біріктіретін алматылықтардың өміріндегі айтулы мәдени-бұқаралық шара. 2014 жылдан бері ұйымдастырылып келе жатқан фестиваль биыл өзінің 10 жылдық мерейтойын атап өтті.
Биылғы фестиваль дәстүрлі түрде қала күніне орайластырылған.
Келушілерді ауқымды мәдени бағдарлама, қазақстандық авторлармен кездесу, жаңа кітаптардың тұсаукесері, шеберлік сыныптары, кітап алмасу, байқаулар және балаларға арналған танымдық бағдарламалар күтті. Сонымен қатар, отандық баспагерлер мен кітап дүкендерінің қатысуымен үлкен кітап жәрмеңкесі ұйымдастырылды.
Фестиваль аясында «Ауылға кітап» дәстүрлі акциясы да өтті, онда біз ауылдық кітапханаларға кітаптар сыйладық.
#оқуғақұштарколледж
#біртұтастәрбие
#№2АГПК