2021 жылдың 25 ақпан айында Алматы қаласы Білім басқармасы, ББЖТҒӘО ТжКБ бөлімі мен №2 Алматы мемлекеттік гуманитарлық-педагогикалық колледжінің ұйымдастыруымен ZOOM платформасында жалпы білім беру пәндерінің оқытушыларына арналған қалалық әдістемелік семинар болып өтті. Семинарды Білім басқармасы, ББЖТҒӘО ТжКБ бөлімінің жетекшісі Г.Ж. Сүлейменова құттықтау сөзбен ашты. Колледж директоры Б.Ч.Дуанабаева семинарға қатысушыларға сәттілік тіледі.
Семинардың мақсаты: Білім беруде №2 АМГПК оқытушыларының қашықтықтан оқыту технологияларын қолдану тәжірибесімен таныстыру және тарату. Семинар қазақ және орыс тілдерінде жүргізілді. Қазақ бөлімінде информатика пәнінің оқытушысы Отельбаева Алмагүл Қалиевна «Қашықтықтан оқыту үрдісінде Classflow бұлттық сервисін қолдану» тақырыбында семинар, орыс бөлімінде Абалкасова Гуль Ерматышевна «Google Jamboard сервисін білім беруде қолдану тәжірибесі» тақырыбында шебер сынып өткізді. Семинар барысында екі оқытушы да пәндер бойынша тапсырмалар дайындау, тест құрастыру, презентациялар орындау және білім алушылармен кері байланыс орнатуда аталған сервистердің мүмкіншілігін кең түрде түсіндіріп берді. Семинарға қатысқан оқытушылар Classflow бұлттық сервисі мен Google Jamboard сервисінде практикалық тапсырмалар орындады.
